Opplev. Kjenn. Pust.
I Pusavika kjem du tett på naturen. Her kan du puste djupare, senke tempoet og finne tilbake til det enkle.
Vi tilbyr opplevingar og samlingar med naturen som ramme – der aktivitetar, samarbeid og refleksjon skaper rom for fellesskap og nye perspektiv.
Og kanskje tek du med deg ein liten bit av naturen heim.
Pusavika - ei reise i tid
Det er noko med denne plassen.
Du kjenner det med ein gong du går i land…
Pusavika er meir enn ein stad. Det er spor etter liv, arbeid og menneske gjennom generasjonar. Når ein kjem hit, er det som om tempoet endrar seg. Naturen, stilla og dei gamle bygningane skaper ei kjensle av å reise tilbake i tid – til eit enklare og meir nøysamt liv tett på sjøen og naturen.
Garden i Pusavika ligg like utanfor Florø, Noregs vestlegaste by, og har røter fleire hundre år tilbake i tid. Dei første skriftlege kjeldene som nemner Pusavika er frå slutten av 1500-talet. Gjennom generasjonar har gardbrukarar, fiskarar og familiar sett spor etter seg. Her har folk levd enkle liv med dyr på beite, arbeid på sjøen og tett nærleik til naturen.
Vi ønskjer å ta vare på både historia, kunnskapen og stemninga i Pusavika. Difor er mykje halde enkelt og autentisk. Når du kjem hit, håpar vi du òg vil kjenne på roa, nærleiken til naturen og opplevinga av å vere litt utanfor den vanlege kvardagen – nesten som å kome over i ei anna tid.
-
Hos Pusavika Gard kan de samle kollegaer, vennar eller familie til opplevingar utanom det vanlege. Vi tilbyr aktivitetar med relasjonsbygging i fokus, kulturhistoriske vandringar og hjortesafari. Vi tilbyr òg det enkle: å vere i naturen, bruke sansane og finne ro i stilla og gode omgjevnader.
-
Ja, Pusavika Gard er særleg godt eigna for bedrifter, leiargrupper og vennegjengar som ønskjer noko annleis. Vi tilbyr teambuilding og aktivitetar med fokus på relasjonsbygging
-
Vi kan ta i mot grupper opp til 40 personar
-
Vi kan tilby enkel servering som heimelaga scones, svele, kanelbollar og syltetøy. Vi har òg ei avtale med Lille Marked i Florø om levering av lunsjpakkar. Og om de ønskjer, kan vi organisere krabbefiske med påfølgjande koking og servering.
-
Hos oss kan de nyte kaffi, te og enkle alkoholfrie drikkevarer. Ved enkelte arrangement er det òg mogleg med servering av øl, vin eller bobler etter avtale.
-
Hos oss finn du enkle og naturlege rammer for gode opplevingar. Naustet fungerer som samlingsplass for måltid, samtalar og aktivitetar, medan uteområda legg til rette for både aktivitetar, bål og ro tett på sjø og natur.
Fasilitetane er enkle, med utedo og praktiske løysingar tilpassa staden og opplevinga.
-
Nei. Vi tilpassar etter ønskje. Nokre grupper ønskjer eit strukturert opplegg med aktivitetar, medan andre ønskjer frie rammer der naturen og fellesskapet får styre dagen.
-
Tilgjenge og opplegg kan tilpassast sesong og vêr. Ta kontakt, så finn vi ei løysing som passar tidspunktet og opplevinga de ønskjer. Du kan òg melde deg på ulike arrangement som vi vil tilby gjennom året. Følg oss gjerne på Facebook og Instagram for meir informasjon om arrangement.
-
Pusavika ligg skjerma til i skjergarden utanfor Florø og er berre tilgjengeleg med båt. Transport kan skje med eigen båt eller etter avtale med oss. Vi hjelper deg med praktisk planlegging og tilrettelegging av transport, slik at reisa i seg sjølv kan bli ein del av opplevinga. Frå nordsida av Florø til Pusavika tar det ca 10 minutt med båt.
